Pa ".. buska promé e reino di Dios i Su hustisia, .. ” Mateo 6:33 

Instituto Embahador di Reino a tuma riba su mes e reto pa enkurashá tur hende pa sera konosi ku e Reino di Dios pa medio di estudio bibliko, alabansa i adorashon, orashon i tur otro aktividat ku ta kondusi na e konosementu aki. 

E reto di formashon kristian aki IEdR ke hasi den koperashon ku tur organisashon ku tin e mesun meta.

Vishon di Instituto Embahador di Reino ta pa

Mira hendenan yená ku konosementu di e palabra di Dios i ku Spiritu Santu, papiando Su palabranan ku tur konfiansa, miéntras ku Dios ta saka Su man pa kura, i milagernan i maravianan ta tuma lugá pa medio di e nòmber di Su Yu santu Hesus. (Echonan 4:29, 30)

Nos Mishon ta pa

Siña hende pa kumpli ku tur loke Hesu Kristu a ordená nos atraves di Su Palabra  (Mateo 28:20a)

Santa Skritura ta e fuente prinsipal di nos estudionan pasobra, henter skritura ta inspirá pa Dios i ta útil pa siñansa, reprendementu, koregí i pa instruí (2 Timoteo 3:16 )